صينية البطاطس والباذنجان المقلي/ اطباق رمضان

من طرف **Admin** السبت يونيو 18, 2016 7:04 pm

السلام عليكم ورحمة الله وبركاته

صينية البطاطس والباذنجان المقلي باللحم المفروم ......جدا لذيذة وسهلة ....... اتمنى تعجبكم

المقادير :

بطاطس مقطع شرايح ....... باذنجان حجم وسط مقطع شرايح ......... 2بيضة ...... فنجان حليب سائل ......

جبن مبشور ...... زيت للقلي

للحشوة :

بصل مقطع قطع صغيرة .... 2فص ثوم مبشور او ممكن نستخدم ثوم بودرة ....... فلفل اخضر بارد مقطع قطع صغيرة وممكن نستخدم الفلفل الحار بعد .... لحم مفروم ..... 2م ك معجون طماطم ....ملح .... فلفل مشكل .... كمون ... كزبرة مطحونة ...

الطريقة :

نقلي شرايح البطاصس الين تتحمر ...... ونحطها بصحن على ورق خاص علشان ينشف عن الزيت .... ونفس الشيء للباذنجان ونتركه على جنب

نجهز الحشوة بما اننا قلينا البطاطس والباذنجان انا اسويها بدون زيت يعني احط البصل مع اللحم في قدر واضيف عليه شوية موية واتركه الين ينضج اللحم وينشف الماء نهائي

بعدين اضيف معجون الطماطم والفلفل الاخضر والبهارات كلها مرة وحدة واتركه ربع ساعة يتسبك طبعا نضيف عليه شوية موية ونتركه ينشف شوي

نجيب صينية ونصف طبقة من البطاطس والباذنجان الين نغطي سطح الصينية كلها ......

نجيب الحشوة ونوزعها على البطاطس والباذنجان بالتساوي ..... ونرجع نغطيها بطبقة البطاطس والباذنجان ....

نخفق البيض مع الحليب وممكن نضيف عليه رشة فلفل اسود

............ بعدين نصبه على الباذنجان والبطاطس .......... اخر شي نرش على الوجه الجبن المبشور ... ندخلها الفرن بس عشر دقايق الين نحس انو البيض خلاص استوى والجبن ساح وتحمر

وعليكم الف عافية .......... جربوها مرة لذيذة وماتاخذ وقت ... الي مايحب الباذنجان ممكن يستغني عنه مع انو يعطي هالطبق طعم رهيب ......

وهذا الشكل النهائي لها .......... اتمنى الصور تكون واضحة

اتمنى تجربوها وتعجبكم